Taxane: Qisada Ahmed iyo Nasiib Qaybtii 2aad.

Tuesday October 06, 2009 - 07:36:05
0 Comments
5295
Super Admin
Waa qaybtii labaad oo aan idinka kaga soo gudbinayno Buuga Ahmed iyo Nasiib oo aad nooga barateen Maalin kasta oo Talaado ah. Hadaba Hawaase wacan.

Wixii maalintaas ka danbeyeeyay, Axmed iyo Nasiib waxey qaadan jireen kulamo kadis ah iyagoo iskaga hor imaan jiray wadooyinka qaarkood waxeyna is weydaarsan jireen hadallo Goos-goos ah iyo kaftan maldahan.

Marka laga reebo kulamadaas ayaa waxa jiray in Nasiib ay u qaado rabitaan hal dhinac ah uusanna Axmed ka warheyn iyadoo jacayl i qari ah u qaaday Axmed, Muddo kadib ayaa jacaylkii Nasiib hayay inta xididada dhiigu qaadeen ku shubeen wadnaha dabadeedna u gudbiyeen xubin walba oo dareen leh ama dhaqdhaqaaqda, Nasiib waxey ku asqowday ama ay ku hafatay badweynta jacaylka iyadoo kaligeed hadba mowjadaha caashaqa dhinac ula sabbeynayeen, Markay arrini ku baaxatay oo meel wax laga qabto gudubtay ayay Nasiib adkeysan wayday waxayna go�aan ku gaartay in ay u bandhigato Axmed jacaylkeeda.

Maalin maalmaha ka mid ah ayaa Nasib iyo saaxiibteed Qadiijo waxey wadada iskaga hor yimaadeen Axmed, dabadeedna salaan diiran kadib ayaa Axmed si kaftan ah u yiri �La isma soo xiriirinayo miyaa�, Nasiib iyadoo awalba la�ayd meel ay ka gasho ama ay ka bilowda arrinta ayaa waxey ka faa�ideysatay fursadaas waxeyna Axmed weydiisatay in uu la kulmo asaguna wuu ka ogolaaday, waxeyna ku ballamisay gurigeeda iyadoo ku marti qaaday una sameesay xaflad aad u sareysa.

Maalintii Ballanta Markii la gaaray Axmed si aad u heyr sareysa ayuu isugu diyaariyay asagoo xirtay labis aad u bilic qurxoon, wuxuuna yimid gurigii Ballanta lagu dhigtay, marti qaad diiran kadib Nasiib ayaa waxaa soo maray jaanis kasoo ah inay kusoo haraan guriga Axmed iyo iyada oo kaliya waxeyna ku tiri:

Duumo ruuxay hesho

Cirbad lgu duriyo

Kaniin baa lagu daweeyaa

Cuqdad ruuxay dilooto

Dibnahoo loo macaaneeyo

Dabuub baa lagu daweeyaa

Axmedow su�aal da�weynoo

Daalisay madaxyga

Adigoon degdegin

Maskaxdaadu degantahay

Ideeqsii jawaabteeda

Qof derejo lahaan jiray

Dadkoo idil ka dambeeyaan

Haduu dushaas sariyo

Dabeylaha ruux ka jeclaado

Aasanu dareemin ruxii

Oo daktoor loo geeyo iyo

Lagala daalo sheybaar

Oo diiday inuu galo aqalkiiyo

Wareegayo dibadaha

Maxaa ruuxaa lagu daweeyaa?

Dhagtuse wey da�weyntahoo

Duqay hora waxay tiri

Dunida qofkaad kacalmataa

Kuu diiriya nolosha

Aniguna da�yartaa kacday

Huunow adaa kaa doortay

Jaceyl duur ila xuloo

Dilaacshay qalbigaa jira

Nolol cusub inaan dugsano

Axmedow diyaar maw tahay?

Axmed baa ku jawaabay:

Nasiib ruux leh baa

Kula naasha jacayl

Hadaad I naawishay aniga

Nacam weeye jawaabteeda

Nabsina xambaarsan mayee

U sheeg niyadaada kheyr

Nabarradiisiyo xanuunka

Naxariis darradiisa waan ogahay

Naq inaan beerno oo

Nolol wadaagno

Nacam weeye xageeygee

U sheeg niyadaada Kheyr.

Maalintaa wixii ka dambeeyay Nasiib iyo Axmed waxay noqdeen far iyo faraanti, kulamadooduna waxay ahaayeen joogto balse Nasiib xumo waxaa noqotay ayaga oo ay dabeecadahoodu kala duwanaayeen.

Halkaan ka akhrisoQaybtii 1aad



Related Items


Leave a comment