Madaxweynaha dowladda Masar Mudane Cabdilfataax Al-Siisi ayaa warqadaha aqoonsiga safiirnimo ka guddoomay Safiirka Cusub oo ay dowladda federaalka Soomaaliya u magacawday dalka Masar.
Danjire Ilyaas Sheekh Cumar Abuubakar, ayaa lagu soo dhaweeyay xarunta Madaxtooyada dalka Masar, waxaana Warqadaha aqoosiga safiirnimo si rasmi ah uga gudoomay Madaxweyne Al Siisi.
Safiir Ilyaas oo la magacaabay bishii Janaayo ee sanadkan 2021, ayaa bishii Febraayo la soo aqbalay, iyadoo magacaabidiisa iyo aqbaaladiisa aysan wax badan u dhaxeyn.
Soomaaliya iyo Masar ayaa lahaa xiriir soo jireen dhinacyada kala duwan, gaar ahaan dhinacyada ganacsiga, dhaqanka iyo waxbarashada, waxaana Masar ku soo waxbartay arday fara badan oo Soomaaliyeed oo jaamacadaha dalkaas ka soo baxay.
Leave a comment