Wasiirka Warfaafinta Somaliland Axmed Cabdi Xaabsade oo Shir Jiraa’id ku qabtay maanta magaalada Hargeysa ayaa si kulul uga soo horjeestay hadalka kasoo yeeray Madaxweynaha Puntland,wuxuuna tilmaamay in Kalshaale iyo Ceyn ay ka tirsanyihin Somaliland.

Xaabsade ayaa sheegay in colaada Kalshaale ay ka dambeeyaan Maleeshiyaadka Ururka SSC kuna tilmaamay kuwa kasoo horjeeda nabadda,waa siduu sheegay.

Madaxweynaha Puntland Dr.Faroole ayaa shalay sheegay in Dawladda Puntland ay difaaci doonto dadkeeda isagoo ku eedeyey in Ciidamada Somaliland ay hub waaweyn u adeegsadaan dad shacab ah.

Dagaaladii shalay ka dhacay degaaanka Kalshaale waxaa ku dhintey dad kor u dhaafaya 8-qof,waxaana weli isku horfadhiya degaanada Haggoogane,Kalshaale iyo Maygaagle dhinacyadii dagaalamay.

khadar mohamed farax BTS