Nasiib wanaag waxaa goobta toogashadu ka dhacday ka dhowaa ciidanka Boliska Bossaso oo markiiba cayrsaday dembiilayaashii halkaana waxa ay ku toogteen mid kamid ahaa ragii bastooladaha ku hubaysnaa ee lagu tuhmayey in ay dilka u geysteen marxuumka Buux, sidoo kele ciidanku waxa ay dhaawac culus u geeysteen ninkii kale ee la socday ninka la toogtay oo hadda la daweeynayo cisbitaalka guud ee magaalada Bossaso.
waaa markii ugu horreeysay ee ciidanka Boliiska Puntland ay baacsadaan oo soo qabtaan amase ay dilaan rag looga shakiyey dilal noocaas oo kale ah, waxaana inta badan ka dhaca magaalada Bossaso dilal qorsheeysan oo lagula kaco saraakiisha laamaha Amaaanka iyo dadka wax garadka ah oo ay fuliyaan inta badan rag ku hubaysaan bastoolado oo marka ay dilka geeystaan goobta ka baxsada.
Leave a comment